郭富城舊愛出沒 姚正菁索爆女神變脹爆人妻

20141008
東網電視
更多新聞短片
郭富城舊愛姚正菁難得出沒,雖然佢身型脹咗幾個碼,但個樣就依然咁卜卜脆呀!

向來緋聞多多嘅天王郭富城入行至今唯一承認嘅戀情,就係當年佢喺無綫因拍劇而撻着嘅無綫小花姚正菁!當時仲未升呢為天王級嘅城城,同姚正菁真係「對你愛不完」,一拍就拍咗差唔多五年!而姚正菁當年喺無綫發展一般,加上未知係咪同城城分手後想「重獲新生」,毅然終極一脫為三級片包括《貼身情人之貼身戀》、《哪個少女不多情之脫的疑惑》露點登場!當年姚正菁憑住天使嘅外貌同Big爆嘅魔鬼身材拍三級片,真係引死唔少宅男!

講咗咁多「當年」,梗係有原因啦!歲月唔單止催人老,仲會催人「脹」!息影多年嘅姚正菁好少有咁出席電影首映禮,先講個樣,真係唔讚都唔得,今年48歲嘅佢好似食咗防腐劑咁,依然白白淨,皺紋都唔多條,認真「強人是你」!嗱嗱嗱,但講到身材,就真係脹咗幾個碼,不過公平啲講,原來佢已經生咗兩個女,個天係公平嘅,個樣依然咁卜卜脆,都算係咁啦!

面對鏡頭個心卜卜跳

淡出娛樂圈二十年嘅佢,被問到有冇興趣復出拍戲?佢就話面對鏡頭已經好緊張,要時間適應:「唔習慣面對鏡頭,依家對住你哋個心都卜卜跳,好緊張。(有冇人搵番你拍戲?)早幾年大陸開放咗,曾經有人搵過我,但當時兩個女仲細,唔可以離開佢兩個咁耐。」

香港上海兩邊走

佢仲透露兩個女分別17歲同13歲:「佢哋都大個女,我依家好自由,唔使點湊!」又指三年前喺上海搞時裝生意:「我係上海人,方便啲,依家成日香港、上海兩邊走。(返香港開舖?)其實大陸人買嘢始終疏爽啲,香港人買嘢會問個袋幾錢,但大陸人買嘢就問,個袋可以裝到幾多錢。」