袁嘉敏情挑安志杰　突襲咀嘴再狂抽皮鞭

港姐出身的袁嘉敏（Candy），近日被爆在王晶新片「終極一露」，早前她率先於太陽娛樂投資的電影《屍城》中試水溫，與安志杰、台灣女演員王子魚大玩「集體遊戲」，更穿上性感褻衣向安志杰施展「SM誘惑」，挑戰觀眾眼球！

劇情講述全城受病毒感染變喪屍，一班生還者於廢墟中生活，在無警察狀態下形成奴隸制度，活捉「生人」洩慾之餘，更對「獵物」為所欲為。片中，擁33D驕人上圍的Candy，以低胸裝扮大晒3吋事業線，又手執皮鞭「虐待」安志杰。雙手被綑綁於椅子上的安志杰，無力反抗唯有任兩女魚肉，Candy除向男方送「肉嘴」，更坐在上身半裸的安志杰大髀上，施展渾身解數挑逗對方。安志杰之後又與半裸的王子魚咬耳仔，二人胸貼胸零距離接觸，意識非常大膽！

Candy日前接受電話訪問時大爆，為做好挑逗安志杰呢個崗位，竟大膽「爆肚」激咀對方，令男方頓時嚇窒！她說：「嗰場戲好多都係即席創作，劇本冇寫足細節，所以我錫佢佢都好意外，因為佢本身都唔知。（擔心對方覺得你抽水？）冇咁諗過，佢係好爽嘅大哥哥、好西化，所以我哋都覺得錫唔係咩大事，佢都明我角色係要咁做。」問到坐大髀挑逗安志杰，對方有否生理反應？Candy只肯透露他有點緊張：「之前同其他男演員拍過親熱戲，我都從來冇講過，呢啲係佢哋嘅私隱，所以我都唔會講。」

讚安志杰夠安全感

她又指自己拍攝時有發生尷尬事，並大談「兜巴星」兼狂鞭安志杰過程：「我真係堅打落去，足足鞭咗十次，因為條繩好幼都幾難控制，所以我都好難錫住佢嚟拍，當時仲打中佢唔舒服嘅地方。（打中佢下身？）唔係，不過我哋換角度拍咗好多次，打到佢好痛囉。」至於兩人有否過電？Candy即對拍檔讚不絕口：「覺得佢好奇妙，日日見到佢上身赤裸，身形都咁Fit、咁大隻，佢係好友善、好有安全感嘅陽光男孩，相信每個女仔都鍾意呢type。」

恨同古仔再續「纏」緣

談到《屍》片中未及王子魚性感，Candy否認錫身：「唔係，導演冇要求我咁做。（你咪輸蝕咗？）冇所謂啦，都係跟導演安排。」提到稍後將為導演王晶的三級片《鴨王》，與糖妹舊愛何浩文（Dominic）埋身肉搏，問到還想跟哪位男藝人挑戰親熱戲時？曾與古天樂（古仔）拍床戲的她笑謂：「古仔啦，因為佢經驗豐富，仲好規矩。」