苗金鳳重新認識舞台劇

資深演員苗金鳳演技精湛，但原來廿多年來鮮有演出舞台劇，最近卻為了英皇舞台劇《杜老誌》站台，談到箇中原因，她直言：「一聽到梁太（監製梁李少霞）講嘅班底，導演係毛SIR（毛俊輝）、演員有劉嘉玲、梁家輝以及謝君豪，再加上咁大型嘅製作班底，真係好開心，講真舞台劇對我嚟講，真係好新嘅嘗試。」

苗金鳳直言對上一次演出舞台劇，已是廿幾、三十年前的《雷雨》，她謂：「當時只不過喺一班志同道合嘅演員一齊玩下，所以真係冇乜經驗，經過今次同呢班咁出色嘅團隊合作，總算叫認識到舞台劇嘅皮毛，知道乜嘢叫舞台劇，同電影、電視好唔同。」

上個月，苗金鳳於演出舞台劇《杜老誌》中，度過了69歲生辰，她直言今年生日甚具意思，因可跟一班精英人員一起度過，至於今年生日願望？苗金鳳表示：「身體健康！」