安志杰拍三級片最緊要有錢收

伍允龍及安志杰孖住上宣傳主演新片《屍城》，並即場與觀眾大玩遊戲，場面熱鬧。二人私交甚篤且多次合作拍戲，自然非常幽默！談到今次拍片的難忘事，伍允龍即大爆好友「百厭事」：「有日拍戲放飯，佢竟然喺巴士頂跳落地，好彩跌倒前識得卸力，如果唔係（後果）不堪設想。」

被問到一身肌肉的安志杰會否考慮突破接拍三級片？他二話不說便答：「有，動作兼爆粗都冇問題。（裸露呢？）都得，畀錢囉…其實係睇角色同劇本需要，唔排除呢個可能。」問到會否預好兄弟伍允龍一份，伍搶答：「唔好預我。」記者問是否擔心有「比較」？安志杰笑說：「講高度呀？」十分搞笑！