天后狂煲《星星》　陳慧琳：劉昇靚仔過金秀賢

陳慧琳以一身韓風秋冬打扮出席時裝活動，問到她可有喜歡的韓星？她說：「梗係《來自星星的你》嘅全智賢同金秀賢啦，仲有以前同依家都鍾意嘅大長今李英愛，超靚。（老公同金秀賢邊個靚仔啲？）都唔同，一個內在一個外在，唯一係劉昇（長子）靚仔過金秀賢。（細仔小籠包呢？）好啦，畀埋佢啦。（有無追開韓劇？）我好遲先睇，啲熱潮過晒先睇。（想同邊個韓星合作？）全智賢、李英愛、金秀賢同李敏鎬。」她又透露大仔很愛吃韓國美食，特別是韓式烤肉，她說：「我隔日就要去韓國街買烤肉畀佢食，佢超鍾意食，無肉不歡，有時都會親自喺屋企整。（將你張相同全智賢相畀仔仔揀？）咁我會畀張全智賢無咁靚嘅佢，佢心目中我最好。」