律師唔做 岑紫生「法」功跳上大銀幕

20141013
東網電視
更多新聞短片
生於「聯合國」的岑紫生(右二) 有來自美國及韓國的表妹。
謝霆鋒師妹岑紫生在美國長大,中韓混血兒的她不但樣子甜美,更擁有法律學位!被英皇睇中的她現時正積極學戲,勢要閃耀大銀幕!雖然生於「聯合國」,但她坦言情迷亞洲男!
霆鋒好Charm
英皇新人岑紫生(Kimberly)因與司徒夾帶拍攝網絡短片而走紅,繼而被英皇電影睇中加盟旗下,正式成為謝霆鋒師妹!提到大師兄霆鋒,Kimberly說:「有一次新年喺老闆(楊受成)屋企開Party見過,好Charm!」她近日與師姐衛詩雅齊齊拍脫毛廣告,同時亦積極學戲!
勇於追夢
青春甜美的Kimberly擁有法律學位,但讀完大學卻選擇投身娛樂圈:「我讀完Law Degree之後做咗兩年Model,上年就簽咗公司!」並透露修讀法律是受家人影響:「其實我都有去過Law Firm實習嘅,不過辛苦,同埋時間較多。本身揀讀Law嘅時候都係受屋企人影響,冇話第時一定要做律師。做律師要轉數好快,口才好好,我未必係嗰種人,依家嘅生活啱我多啲!」問到是否娛樂圈生活較多姿多采,她說:「其實做自己鍾意嘅嘢就開心,咁我好鍾意演出工作,所以依家好開心!」
從小自立
生於香港、長於美國的Kimberly已習慣兩邊走,養成獨立果斷的個性:「細個父母離異,我都係香港同美國兩邊走,爸爸同婆婆都喺美國,不過主要都係住喺香港,自己始終係華人,美國時不時去度吓假啦!」雖然大部分家人在美國,但Kimberly坦言希望留港發展,為事業衝刺!
拍拖都係揀亞洲人
在美國長大的Kimberly,生於由不同國籍家族成員所組成的「聯合國」!她說:「我爸爸係中、韓混血兒,家族成員入面有好多唔同血統,有中國、日本、韓國、菲律賓、法國、墨西哥、意大利、西班牙同美國。其實喺美國都好Common !」問到Kimberly喜歡哪個種族的男性,她說:「都係Asian啦!外國人就朋友都OK 嘅!」不過她笑言現時以事業為重。
Profile
年齡:23 歲
身高:1 米60
三圍:32C、 23、34
演出經驗:Samsung Nori手機廣告、步步高手機廣告、Panasonic 牙刷廣告、Oral-B牙刷廣告及以「女師傅」稱號拍攝司徒夾帶系列網絡短片