英國拍特輯　黃煦齡挑戰室內爬山

無綫娛樂新聞台主播黃煦齡（Natalie）早前到英國拍攝旅遊特輯，今次節目搞新意思，由主持自己計劃行程，曾在英國留學的Natalie到訪了不少特式景點，包括熱刺球場、熱水池戲院、住監房以及參加嘉年華等，當中最難忘是造訪一間曾是公廁的酒吧，吧內仍保留兩個男性用的尿兜，Natalie說：「個公廁荒廢咗百幾年，已經消晒毒好衞生，生蠔好好食，不過對住尿兜飲嘢，感覺好特別！」她亦在倫敦市中心試爬室內冰山：「係一間爬山用具舖頭，開頭以為爬山唔難，但氣溫又凍又要好大力，好在我都有啲老鼠仔！」