重裝零食北上武當 楊怡練太極治腰傷

20141018
東網電視
更多新聞短片
出慣埠嘅楊怡點會難為自已,當然要重裝啦!

無綫花旦楊怡早上偕錢小豪、洪天明、蔚雨芯、李綺雯、張惠雅(Regen)等一眾新劇《潮拜武當》台前幕後工作人員出發到湖北拍攝外景,將在當地逗留三個星期,由於天氣轉冷,她已帶備禦寒衣物:「嗰邊應該未落雪,但溫差好大,朝早夜晚低過十度,下晝有成廿幾度,有齊四季變動,又驚熱親又驚凍親。」楊怡又自爆帶了一箱食物:「每次出埠我都帶定公仔麵、零食、餅乾,始終去咁耐,有零食陪住自己有安全感啲,又唔知當地環境點,起碼會方便、舒服啲。」

首次到武當,她沒有緊張的感覺:「相信咁多人去應該幾好玩、幾開心。」在武當山取景,當然會拍攝著名的日出景象:「我諗嗰度應該幾靚,同埋有好多武當師父,可以上去吸吓靈氣。」她又透露會拍攝比武戲,屆時她會與一眾習武之人過招。問腰傷清況?她說:「依家仲有(傷),不過太極比較溫和,希望學番嚟強身健體,但始終腰患要啲時間練番好。」

祝福嘉穎阿佘翻撻成功

另外,談及佘詩曼和鄭嘉穎傳翻撻,楊怡說:「冇聽聞過,我唔八卦,如果係都係好事嚟,我覺得佢哋好登對,最緊要佢哋開心。(祝福佢哋?)當然啦!」