郭秀雲24歲做單親媽媽　有苦自己知

活躍於慈善活動的息影藝人郭秀雲（Sharon）為有線節目任嘉賓，分享其敢愛敢恨的情史：「我唔嚮往童話式愛情，拍拖次數亦唔多，選完美之後就有人追，不乏有錢、有地位嘅人…」但她偏偏愛上動作影星錢小豪，拍拖未夠一年即奉子成婚，惟後來發現雙方性格不合而分手，婚姻維持了三年便告終。

24歲就當上單親媽媽，Sharon道出箇中難處：「要兼顧爸媽兩個角色，要做好人，又要做醜人，個仔依家24歲，咪睇佢個樣咁，其實佢係一隻『麻雀』，成日畀女仔恰，做阿媽有時都會好擔心。」

於95年Sharon再次遇上人生的另一半，坦言有考慮再婚，但在意兒子的想法，最後拖了8年才結婚。問現任老公如何打動芳心，她說：「我哋初初識時，大家都頂唔順大家，之後離婚就一個人搬出嚟住，有晚阿仔發高燒，當時佢只有兩歲，我完全束手無策，佢知道後即刻去咗我屋企，安排阿仔去睇醫生，又教我點照顧囝囝，先令我開始對佢有好感，佢係一個好有責任感嘅人，對小朋友亦好細心。」