「分訊」傳好行！賈曉晨開腔證情不變

賈曉晨（JJ）與龔嘉欣在將軍澳電視城接受莊思敏、吳若希、葉翠翠及楊秀惠主持的節目《姊妹淘》訪問。有傳JJ與男友樊少皇情變，她否認傳聞證實情不變：「私人感情唔想講咁多，因為成日都有太多傳聞，唔想成日回應，總之同以前一樣。」

JJ簽了大陸經理人公司，剛在廈門拍戲返港，問她與男友經常分開怎樣維繫，JJ說：「順其自然，應該一齊就唔會分開，兩個人相處最緊要舒服。」

葉翠翠睇心唔睇錢

葉翠翠被指與有米新歡拍拖，但卻被發現有米新歡原來是「空心老倌」，葉翠翠表示：「唔係男友，大家只係了解緊，揀男友最緊要睇佢對自己好唔好，唔係睇佢有冇錢。」葉翠翠又感慨指今次正好是一個考驗：「入行以嚟都有過負面新聞，呢啲事始終會發生，喜歡我嘅人要明白呢樣嘢，如果承受唔到我都明白，當就係考驗。」