老公恨女　陳倩揚生完冇得收爐

腹大便便的準媽咪陳倩揚與老公陳浩然恩愛現身籌款晚宴，雖然懷孕七個半月，但身材仍保持得非常苗條。問到現時懷孕的心情？她笑說：「自己有啲偏心，因為第二胎比較輕鬆，盡量將大仔用過衣物再翻用，但會張羅多小小冬天衫。（今次生男定女？）囝囝，所以可以用番。」

她又指老公希望有女兒，故會繼續進行生育大計：「老公恨女，自己就冇所謂，最緊要開心同健康。（再追多個？）未收工，自己依家好似有三個男朋友，大仔令我好冧，例如大仔會話好鍾意我，又會同老公講叫佢出房，因為我要同媽咪瞓，老公都話冇眼睇。」

問到老公是否呷醋？一直在旁照顧老婆的陳浩然大呼：「快啲生個女！」倩揚聞言即反擊說：「你要努力啲先。（咁大仔有冇呷醋？）我會灌輸佢，因為細佬仲細，要讓咗佢先。」