雷頌德懷念封黃霑做偉人

音樂人雷頌德（Mark）在尖沙咀錄影亞視節目《追憶黃霑當年情》，與主持劉錫賢回顧一代鬼才黃霑的人生。他指亞視邀請他錄影時就爽快地應承：「我覺得霑叔好值得介紹畀新一代香港人，有啲可能霑叔喺度佢都未出世，但係佢可以話係香港嘅李白，喺歷史上做咗好多偉大嘅嘢嘅偉人。」

談到與霑叔最深刻的事，Mark就指雖與霑叔年紀相差好遠，但他是一個很好玩的Uncle，亦教曉他不少做人態度：「佢好勤力，我次次去探佢，一開門佢都唔會攤喺度hea，一定係做緊嘢，一係寫嘢一係睇書。」又指霑叔臨走時不作通知做法洽當：「早啲講，佢嘅離開可能更加慘痛。」以這種方式對朋友比較好，令朋友只記得有關他的開心事，更見其大量。

問到是否少與亞視合作？他謂：「平時少啲，亞視平時少做娛樂性嘅嘢，所以少啲合作，但唔關事，我同邊個電（視）台都合作得。」