李佳芯家有肥貓　狂奔兩頭舂

與陳凱琳齊齊主持無綫節目《搵食飯團》的李佳芯（Ali），原來是一位愛貓之人， 育有一隻名叫「Barn'leg」（阿斑）的4歲小花貓，問到為何名字如此特別？她說：「第一日帶佢返屋企，見到佢腳仔好似我着緊嘅斑馬褲，所以就改咗呢個名。」她投訴「阿斑」經常發癲：「周圍撞，成日撞親眼仔，又追住條繩跑嚟跑去！」不過，百厭的「阿斑」現已開始定性：「唔知係唔係開始偏肥，個肚同Pat Pat都好多肉，但間唔中會無啦啦玩『跳Over』！」

Ali亦曾飼養一隻名叫「阿寶」的白色小貓，可惜已與世長辭：「佢都有14歲命，走嗰時都傷心。我有搵人火化，但冇特登去Keep骨灰。」她表示在心中記掛着愛貓已非常滿足，又自言現時只會領養寵物：「都係領養朋友嘅，或者生咗又冇人要嘅。」