韓國新體驗　楊斯雅初嘗當地剪髮染髮

無綫藝員楊斯雅（Cindy）早前到韓國享受假期，順道Shopping為秋冬季置新裝，貪靚的Cindy更在韓國剪髮及染髮，大讚當地理髮師水準甚高：「因為語言不通，我同髮型師用簡單英語同身體語言溝通，基本係任佢發揮，而當地係女師傅多，手勢好好，同香港手法有啲唔同，造型整得幾sharp，但係本身我想要韓國Look多啲，但出到嚟係日本Feel多咗啲。」不過，其後Cindy不停在韓國街頭拍照留念，猶如拍寫真般大擺甫士，似乎對新髮型相當滿意。