何浩文「異鵰」激凸自誇：唔係好勁咁簡單！

藝人何浩文（Dominic）今日聯同何佩瑜、袁嘉敏、唐紫睿、梁敏儀等，齊上遊艇出席電影《鴨王》的「切燒鴨」開鏡儀式加取景拍攝，穿上三角泳褲的Dominic超級激凸，繃緊的泳褲令他那「異鵰」盡露眼前。

訪問時，Dominic為自己的「異鵰」解話，笑謂僭建下體是為了迎合電影角色：「我個角色都唔係『好勁』咁簡單！』又笑謂僭建物為他帶來不便，除了走路時要擘髀，就連去廁所又要過幾關先得，更大爆要求服裝師為他的「僭建物」加魔術貼方便如廁。

另外，身為戲中「鴨王」的Dominic透露戲中與不少客人有激情場面，除與同場的四女之外，今日還要服待「老婆婆」，問到會否怕老婆婆頂唔順心臟病發，他就笑言：「我驚我自己會！」

提到早前有傳吳君如打算開拍類似題材電影《金鴨》，更會找來男神林峯當男主角做鴨王，不過Dominic就話無有怕，因為林峯適合成熟一輩睇，自己的《鴨王》是較為輕鬆：「有比較都係好。」