黃秋生否認電影遭封殺　稱與杜汶澤工作無問題

黃秋生出席電影《大茶飯》首映，秋生所屬的英皇娛樂發聲明斥責某內地網民蓄意散布虛假消息，指秋生曾在網上發表「蝗蟲論」。秋生受訪表示：「一個係內地網民，另一個係香港網民，佢哋微博、Facebook都已經封咗，如果搵到佢會法律追究，佢哋調轉嚟講，用啲紅字遮咗我原本講嗰句。（有傳電影被內地杯葛﹖）主要係啲人以為我話人係蝗蟲，依家證明唔係事實，還番一個公道，大家清楚冇封殺呢回事。」

秋生對於有指他與不咬弦的杜汶澤合作開戲，他說：「問過十劃都未有一撇，如果真係開到，工作上睇唔到有咩問題，同人做嘢啫，唔使同人做老友架，佢未致於乞我憎到咁，有人乞我憎乞到咁樣。（邊個呢﹖）點可以講呢，大家都知啦，心照啦，邊個投名狀咪就係邊個。」