郭偉亮讚《巨聲4》多可造之材：女仔有幾個靚

音樂人Eric Kwok（郭偉亮）為無綫節目《超級巨聲4》擔任評判，坦言今屆參賽者質素更高：「評過兩集，男仔勁過女仔，女仔有一個幾勁，大部份人上台傾偈性格幾好笑，男仔全部好慘又失戀又冇自信，個個都宅男咁，但幾好睇嘅，女仔就有幾個幾靚，今次可造之材比較多。」對於顧紀筠兒子陳浚霆（Andrew）的表現，他說：「佢把聲幾好，我諗有好多空間可以進步。」並謂曾與顧老闆、Andrew食飯，笑稱在節目重遇時已覺熟口熟面。

提到官恩娜（Ella）宣布與外籍男友訂婚，Eric即恭喜對方：「有幾次撞到佢同佢男友，都覺得佢哋幾襯，Ella都三十幾歲啦，幾好呀，訂婚啫。（幾時結婚？）唔知。」他又指與Ella初出道時較多合作，後來邀對方做個唱嘉賓再熟番。