網民斥靠後台 陳浚霆大方回應:預咗畀人講

20141109
東網電視
更多新聞短片
陳浚霆表示家人係冇得揀,所以都已經有晒心理準備會畀人講。

顧紀筠兒子陳浚霆(Andrew)以參賽者身份,出席無綫節目《超級巨聲4》錄影,顧老闆與丈夫陳仕偉均有現身撐場,Andrew坦言父母在場令他更緊張,陳爸乃是樂隊Signpost主音,所以陳直言爸爸對音樂很有要求,他說:「佢自己有夾band、好鍾意唱歌,佢叫我揀歌小心啲、唔好揀啲自己唱唔到嘅嘢,不斷畀唔同嘅意見我,媽咪就叫我放鬆啲、盡咗力就得。」有網民斥他靠後台入圍,Andrew大方回應:「無所謂啦,預咗咁講,家人係邊個冇得揀嘅,由佢哋鍾意點講就點講啦。(壓力更大?)都想憑自己實力話畀大家聽,咁多round都係自己打返嚟,我都盡咗力啦,大家都有自己意見,人哋想講乜都阻止唔到,一切隨意啦,加上比賽都好睇評判鍾意咩類型嘅歌同口味。」

有傳他為入行努力減肥,Andrew表示22歲在紐約大學畢業時重達200多磅:「又唔係為入行減肥,只係想自己fit啲,因為當時個size喺美國係正常嘅,但喺香港會覺得自己同正常比例差好遠。」