張致恒視女友為結婚對象：公開戀情好開心

歌手張致恒（Steven）現身商場，為「青年家書」徵文比賽頒獎禮擔任活動大使。受訪時，亦鼓勵青少年多同家人溝通：「有啲嘢唔講出嚟唔會明。」Steven一直與家人關係非常好，平時出門口之前都會同媽咪咀嘴，亦會攬實爸爸，以行動表達愛意。

其後，講起明天生日如何慶祝，Steven透露會同家人食飯，提到女朋友時，他笑言：「一齊食啦！（見家長？）見過啦，食過幾次飯！」又話女朋友特別訂了禮物給自己。

問到是否視女友為結婚對象，他說：「係，想嘅，盡力做好自己，再Plan！」Steven為公開戀情感高興：「做藝人太多管轄，冇晒樂趣，其實一路都想公開，依家幾好，去行街睇戲都得！」

另外，Steven今早與鍾舒漫（Sherman）一同參加了10公里挑戰賽，Sherman表示暫時放下工作，抱住輕鬆心情完成比賽。而一路積極備戰的Steven卻在比賽前一天不慎跌倒弄傷手腳，但今日亦堅持比賽。