受過去影響屬可悲？林芊妤自爆廁所激情拍電影

藝人崔碧珈及林芊妤（Coffee）出席電影《壹獄壹世界》電影開鏡儀式，二人性感登場，崔碧珈穿上粉紅背心緊身裙，露出5吋事業線，而coffee則穿上黑色連身裙兼晒2吋事業線，coffee指在戲中飾演王宗堯的二奶，笑言與對方屬僱員與僱主的關係，與王宗堯有數場激情戲：「有一幕係講佢坐監時幻想出嚟，我隔住個鐵欄做挑逗動作，撞到我個pat pat瘀晒！」

林芊妤又透露與對方會在廁所進行激情戲，至於是否故意將「殘廁事件」重演？她說：「如果過去嘅事影響到自己，係好可悲嘅事，把口生係人哋度，人哋點諗無辦法，做人最緊要對得住天地良心！」她又謂電影中衣着不算太性感，反而是意識上大膽，至於片酬是否可觀？她說：「滿意！（比無綫高好多？）咁又唔好咁講！我都要多謝無綫，我而家就好似18歲要出去闖咁！」