發展見光死？徐佳琦一個月冇同馬國明聯絡！

馬國明（馬明）緋聞女友徐佳琦出席品牌活動時，問到有否留意馬國明被拍得凸腩跑步，她說：「有Send去我公司。（平時係咪咁肥？）大家睇到咁，我都係第一次睇，男女一樣，總會有時段休息食得多咗。（你咁Fit帶佢做運動？）唔會，我哋住得唔近。」她一改口風落晒閘，問到是否報道出街後「見光死」，她說：「咁又唔係，發唔發展係睇兩個人。（你哋發展唔到？）初步了解。（已發現唔啱大家？）啱啱了解已經畀你哋影到，加上大家好忙，一個月冇聯絡啦。」