韓國又再出沒 吳映潔「失蹤」fb首露面

20141121
東網電視
更多新聞短片
鬼鬼被眼尖網友發現,今年唔知去咗幾多次韓國呢?
台灣新一代人氣女神吳映潔(鬼鬼)自從同韓國組合2PM成員玉澤演合作真人騷《我們結婚了》之後,知名度大開,劇集、電影同廣告代言接個不停,雖然收入大增但亦因此搞到身體唔多好,仲試過停經數月添!而月前呢位大忙人嘅工作終於告一段落,可以放假休息返下。
消失咗一排嘅鬼鬼終於喺facebook現身,佢一口氣上載多張靚相,身穿鮮色長外套嘅鬼鬼略施脂粉、長髮披肩,睇落精神唔錯!而且見佢喺唔同壁畫嘅前面展現燦爛嘅笑容兼大擺「鬼式」搞笑pose,網友都不禁被佢嘅笑容感染:「到底在笑什麼呢?很開心的樣子,希望妳天天快樂」不過有眼尖嘅網友就表示,鬼鬼今年已經去咗好多次韓國,於是就好奇咁問:「你今年要去幾次韓國啊……」