蕭正楠唔敢學祖藍台慶求婚：想私人啲！

藝人蕭正楠現身葵芳出席劇集《名門暗戰》宣傳。因要拍攝新劇《倩女失魂》而未能赴馬來西亞出席Astro頒獎禮，被問會否擔心未有出席頒獎禮而失獎？他笑言：「新加坡都拎過啦，而且比較緊張香港依邊啲收視！」對於與女友黃翠如合作的定情劇《師奶madam》即將播出，問到是否常常可以見到女友？他甜笑表示：「想睇拍出黎嘅戲多啲！」

想私人求婚

對於黎耀祥曾笑言蕭正楠不敢像王祖藍般在台慶上向翠如求婚，蕭正楠笑言：「冇諗過喎，努力多幾年先啦，不過係我就會想私人啲，祥仔讓我攞個視帝先算啦！」被問到對於今年的台慶頒獎禮有沒有信心？他表示很喜歡《名門暗戰》中的角色，但今年對手多如蔣志光、張繼聰等一起競爭獎項，自己有份參與已感到開心。對於女友大讚《名門暗戰》中，黃浩然與胡定欣在劇中定情的戲份十分浪漫，他說：「梗係浪漫啦，（劇中）又拖隻馬出嚟！（你夠唔夠浪漫？）好難拎隻馬出嚟喎！」。