祥仔尾場騷自覺值A+

阮兆祥於伊館舉行棟篤笑《阮兆祥2014硬食博覽棟篤笑》尾場，他表示自己的年齡同TVB一樣，而阿叻就話自己雖然外形冇質素，但有幸可以有現時的地位，又話自己係TVB嘅血。其後，阿叻就大讚祥仔有才華，更送了「五體投地」四個字給祥仔，他說:「祥仔好努力，係際遇唔好，好多老鬼喺前面頂住，如果唔係，紅咗好耐啦！」到最後，祥仔就有感而發，表示有好多入場觀眾都以為自己會談及政治，但作為藝人，祥仔想帶更多正能量給觀眾:「希望大家依兩個鐘放下包袱，睇完個騷都可以輕鬆面對每日嘅挑戰。」

接受後台訪問時，祥仔坦言第一次做棟篤笑，不知道如何拿捏，所以非常緊張，尤其是第一場的頭十五分鐘，亦都非常感激整個團隊可以和自己一起打拼，更形容尾場表現值A+。問到於騷內拎不同藝人來開玩笑怕不怕得罪人時，祥仔表示:「知道有好多圈中朋友有嚟，我都有留意佢地喺台下嘅反應，好似拉姑咁，我講霆鋒嗰時，佢都笑到抹眼淚，當時人都唔會覺得我係挖苦人哋。」

談到續約問題，祥仔希望有更多發展機會:「TVB係我工作咗廿幾年嘅地方，一定會優先同TVB傾先！」問到祥仔是否真的每年都搞棟篤笑，他指如果有適合時間及場地都會做，當記者問到將來可會想到紅館開騷？祥仔笑言:「紅磡殯儀館？好full架！都會計劃嘅，但未咁大想頭，但都應該要有目標嘅！其實伊館都係我嘅福地，舊年又開過演唱會，好開心多咗一倍觀眾，伊館又可以同觀眾close啲，自己都當係嚟朝聖，子華、達明都喺度開過騷！」