結婚7周年！曹永廉燭光晚餐冧老婆

曹永廉一向同老婆姜依蘭非常恩愛，日前姜依蘭就喺微博上載咗同曹永廉嘅甜蜜合照，仲配上紅酒和蠟燭，十分浪漫！佢留言話：「七年之癢？希望是七年不癢。願以後很多很多個七年都快樂」愛妻嘅曹永廉見到當然立即以3個愛心去回應老婆，好Sweet呀！原來日前係佢哋兩公婆嘅結婚紀念日，從相片所見，佢哋仲飛甩兩個寶貝囝，兩個人撑枱腳添，真係甜到漏呀！