陳嘉桓孖周柏豪談情捱十幾巴

陳嘉桓（Rose）、黃芷晴、周柏豪與導演朱家宏於旺角出席電影《販賣．愛》謝票場，觀眾反應相當不錯，全院滿座。對首次擔正的陳嘉桓來說，她表示鼓舞：「之前優先場反應都幾好，依家正式上映，都好想知大家既反應。好開心好多都好正面，感人、有笑位，希望繼續有好嘅反應！」

大讚龔慈恩智叔好戲

陳嘉桓在戲中除了會跟周柏豪與廖啟智有感情戲外，與飾演她媽媽的龔慈恩亦有不少母女情深的對話，相當催淚！而Rose的演出亦令人眼前一亮，對於演技被讚有進步，陳嘉桓笑言：「依套戲真係要好多謝龔姐姐（龔慈恩）同智叔（廖啟智），佢哋真係好厲害！好戲之外，亦能帶動成個劇組。我好多場戲都係一Take過，好順利，好感激佢哋同導演！」

捱咗十幾巴

提起龔慈恩，Rose笑言：「有一場戲係講我激到龔姐姐要打我一巴，因為呢個場口要拍幾個鏡頭，所以龔姐姐最終要打我十幾巴！龔姐姐都唔忍心打，但我同龔姐講唔緊要，嚟真打，呢場戲對我嚟講都幾難忘。」