何超英女兒蕭玟錚陪母走完最後一程

賭王何鴻燊長女何超英於上周四逝世，超英女兒蕭玟錚在夫婿Chaim Scowcroft陪同下在中環接受 《東網》記者獨家訪問，她透露丈夫特別由外國來港陪她處理母親的身後事，她稱母親的身後事已打點得七七八八，至於公公何鴻燊會否出席喪禮？她說：「唔會喇！因為白頭人唔好送黑頭人。」

問到母親有何遺願及遺言，她說：「佢冇乜心願未了，亦冇遺言，因為佢有9至10日都一直處於昏迷狀態，我一路都喺醫院陪住佢。」提到與母親相處的難忘時刻，她稱都是小時候的美好回憶：「記得9歲嘅時候，我哋喺瑞士住，媽咪會喺學校接我，一齊喺湖邊行，餵下鴨仔同天鵝，個畫面好平靜、好靚。仲有喺我3歲時候，同媽咪喺巴哈馬一齊參加當地嘅節日Junkanoo，大家都着住色彩鮮艷嘅服裝，好開心。」