徐子珊拜梅蘭芳徒弟為師學京劇

藝人徐子珊及黃光亮到灣仔出席「紀念梅蘭芳先生聚餐」，兩人更即場向梅蘭芳徒弟胡芝風敬茶拜師。

子珊表示非常榮幸得遇名師，她說：「其實唔算正式係拜師，拜師要好細個就跟老師學，不過我都好榮幸可以跟老師學曲，可以跟梅蘭芳弟子學曲，我都冇諗過，希望可以喺演戲、唱歌、跳舞以外，開展多一個範疇。」

她又多謝黃光亮為她引薦，她說：「有次同亮哥傾開偈，佢話老師來港，問我有冇興趣，我對每種表演形式都有興趣。（京劇難度高？）係，我都好緊張，希望自己平時有唱歌，可以幫到少少。（要定時上堂？）我都係第一次見老師，佢肯教我已經好開心啦！」

對於曾傳緋聞的黎明也曾演繹梅蘭芳，子珊笑言：「我又聯想唔到喎，咁遠都聯想到，又好似遠咗少少。」