羅啟聰畀黃欣電眼電暈

20141218
東網電視
更多新聞短片
羅啟聰與黃欣以「情侶檔」拍廣告。

藝人黃欣(Lena)與羅啟聰(Kris)日前被服裝品牌睇中,為新系列的潮服拍攝硬照,初次「情侶檔」做模特兒的他們有板有眼。Kris大讚師姐有姿勢、有實際:「我係咁向佢請教擺『甫士』,因為佢跳開舞,識擺姿體動作。」至於Lena表示自小對服裝設計有興趣,最近正在學習油畫,希望他日可以開時裝鋪做老闆娘:「但依家租金好貴,或者試吓網上先,好多朋友都做緊。」

談及兩人的相識經過,他們表示曾是同一家公司,可惜未能促成合作機會,其中一次為微電影廣告試鏡,劇情講述他們是一對夫妻,問到當時可有「過電」?Kris笑言:「有呀,見到佢成日發電,佢對眼太勁啦,行過都畀佢電親!」至於Lena則自嘲年紀比對方大,不適合玩姊弟戀。

無綫出身的Lena在2009年滿約後向外發展,近日終決定吃回頭草,通過愛回家計劃重返無綫大家庭,她指回巢後機會處處,將獲安排拍劇及主持風水節目:「真係愛回家,無綫真係娘家嘅感覺,見番以前啲同事會覺得好溫暖。依家最希望參加下年嘅《星夢傳奇2》,我好鍾意唱歌,想再戰樂壇。」至於修讀音樂系的Kris則會專注音樂,準備到不同地方組樂隊表演,更希望有機會與師姐齊齊Jam歌。