寸嘴Barbie自爆浪漫史

「寸嘴Barbie」夏尉喻、石天欣、郭思琳及陳婉衡（Alycia）四位星秀堂女藝人預祝聖誕節，到尖沙咀樓上Le Paradis私房菜狂擦龍蝦南瓜湯、煙燻手撕火雞、黑松露忌廉汁牛柳及生蠔杯等應節美食，她們見到美食即爭食，暫時拋開減肥包袱。

提到最難忘的聖誕，拋胸的Barbie即自爆浪漫史，令人充滿幻想空間：「有年有個追求者帶去我咗個荒蕪嘅地方，佢準備咗火爐，同埋一隻火雞，雖然隻火雞係一早整好咗嘅，佢只係負責切，但已經好浪漫啦！（今年聖誕點過？）喺泳池拍水底戲，都可以好有氣氛，因為我會着紅色Bikini架！」Alycia則笑言每年聖誕前夕都分手，猶如魔咒，但她認為聖誕不一定要拍拖，反而與家人過節更溫馨，並回想有年聖誕行善：「喺加拿大識到慈善機構嘅人，我哋整咗好多火雞，送畀冇錢開飯嘅人，幾百個人一齊喺社區中心過，好有意義！」

思琳則難忘有年到上海拍攝，期間突然下雪，令她可過白色聖誕：「重點係有兩個靚仔model同行，影影吓相落雪，第二日成地都係白色，我哋專登一早起身互相掟雪！」天欣表示過去多在工作或跳舞中過節，今年首度為活動擔任司儀，希望將來可到外國聖誕老人村探聖誕老人。