前港姐潘芝莉拒做怪獸家長

20141222
東網電視
更多新聞短片
潘芝莉(左)返港接受好友劉美娟訪問。

前港姐潘芝莉(Chillie)現身好友劉美娟的電台節目,婚後移居澳洲的她表示每次回來香港都必定會找對方,而提到近況時,她說:「主要都係幫老公手打理中式酒樓嘅生意,所以都好少再喺幕前出現,同埋生完小朋友之後都要照顧佢哋。(小朋友幾大?)大女五歲,細仔四歲。」她又透露老公和一對兒女亦有與她一同回港,一家人將會在香港做冬和過聖誕。而劉美娟就忍不住大讚Chillie和老公是「飲食鉅子」,贊助很多不同的活動。之後Chillie就謂會為酒樓想新菜式,而更曾有客人認得她,要求合照。至於有否打算在香港開一間?她表示會考慮。

問到是否仍有留意香港小姐選舉?她就說:「有!因為我哋都有贊助TVB嘅選美節目,同埋之後澳洲選美我會係評判之一。(會唔會覺得香港小姐同以前唔同?)我又唔覺喎,我覺得都係一件全港期待嘅事!」

至於女兒長大後會否讓她參加選美?Chillie謂會讓她自行決定:「我教小朋友會畀個方向佢,但個選擇權都係交番畀佢。(對小朋友有一套?)都係㗎!首先我唔係怪獸家長,而澳洲呢邊唔使話攞好多獎先可以入學,少咗個壓力,同埋我啲小朋友成日笑,因為我對住佢哋都成日笑,所以佢哋通過其他活動都可以自然學到嘢。」她又表示覺得香港的教育制度改變很多,覺得香港的學生有很大的壓力,為他們心痛。