莊思敏剝衫擒外賣仔　搞足兩粒鐘冇怨言

模特兒出身的的莊思敏，在葉念琛監製、王柏基執導的新片《小姐誘心》中飾演一名金牌經理人，她因不滿男友有外遇，故一次叫外賣時被「外賣仔」麥子樂的樣貌和身形吸引，主動出擊力擒麥子樂。

拍攝時，中性打扮的莊思敏見外賣仔麥子樂質數如此出眾，主動上前引誘並替對方脫去上衣，更從其心口逐步往下移錫下去，表現得相當主動。

麥子樂同時亦不敵脫去外衣、身穿性感內衣的莊思敏的誘惑，實行反客為主，二人最終攬作一團繼續激吻，隨之齊齊躺在地上傾力演出。麥子樂先脫鬆褲子壓在莊思敏身上，並由其頸部開始錫下去，過程相當激烈。為了達到完美視覺效果，二人先後重拍多次，拍攝過程長達兩小時才完成，二人均沒有半點怨言，相當專業。

導演監製從旁指導

莊思敏表示為了演好角色全情投入，雖然拍攝前並不認識麥子樂，但有感若認識的話會更為尷尬，她說：「一早知道劇本有呢場戲，其實已經有晒心理準備點去演。因為劇情講我要飛擒大咬主動出擊，反而我有啲唔習慣。」她指拍攝時導演和監製在旁不斷要求她們加插不同動作，自己要不斷去配合，笑言很考急才。對於麥子樂脫鬆褲子力壓身上，她說：「都貼到好實。（頂到你？）咁又冇，大家都好專業。我覺得好過借位拍，咁樣效果會好好多。（最盡尺度？）都係三點不露。」

底線三點不露

首次演出電影的麥子樂，直言拍攝前已經好緊張：「某程度上真係好大膽。相信男仔會比女仔更尷尬，會擔心做得唔好會比人誤會係搏懵。」問拍攝時有否出現生理反應，他說：「唔會啦！嗰刻只係全程投入拍攝，又要聽導演監製在旁講點去演，個心只係諗點演出先會係最好。」她又大讚莊思敏相當專業，鏡頭前後亦同樣友善。