冇人陪聖誕？舒淇自製禮物係隻貓

聖誕佳節，性感女神舒淇似乎就無人陪佢過節，不過佢都不愁寂寞，舒淇今日上載短片，見到帶住眼鏡嘅舒淇大方展示神級素顏，又興奮咁講：「有禮物哦！」唔知邊個送禮物畀佢呢？舒淇之後神神秘秘咁喺聖誕樹下搬「禮物」出嚟，仲即場拆禮物，但禮物竟然係愛貓「Maymayboy」！原來佢將「Maymayboy」放入禮物盒，自製聖誕禮物畀自己，乜今年聖誕節女神嘅密友無送禮物畀佢咩？之後舒淇抱住「Maymayboy」祝大家Merry Christmas，女神嘅心意大家都應該收到，唔少網友仲爭住要同女神一齊過節添！