爹哋拉頭馬　陳慧琳興奮嗌請食飯

賽馬日吸引不少名人現身馬場，陳慧琳（Kelly）父親陳崇偉穿上棗紅色戰衣為出賽的愛駒「鑽石巨匠」打氣，陳父在大戰前喪刨馬經研究，一副專家模樣。最後「鑽石巨匠」不負厚望，大熱贏馬，陳父開心到忘形晒V，又騷出贏馬彩票，相信今仗「執唔少」落袋，最後笑到四萬咁口與其他馬主齊齊拉頭馬，可喜可賀！

《東網》第一時間致電Kelly，她竟懵然不知父親已做馬主兼贏頭馬：「唔知爸爸入咗馬場，唔太清楚佢做咗馬主，本身對博彩都冇興趣，亦冇興趣做馬主。不過知道爸爸贏頭馬會好開心，我會搵佢請食飯。」她很少到馬場，但認為小賭可以怡情：「自己冇賭癮，知道爸爸係識馬之人，我最大嘅心癮都係唱歌同湊仔。」