鍾舒漫不受束縛走出框框

歌手鍾舒漫（Sherman）早前推出EP《What If?》，她接受電台訪問時表示原先的EP名是《What If I Please No One？》:「我啲朋友覺得我仲有嘢可以攞出嚟嘅，而我都想試下唔使討好任何人，做啲自己想做嘅嘢，但之後就覺得唔做人哋想我做嘅嘢都會畀咗個框框自己，所以就咁叫《What If?》，個可能性大啲。」

問到她若2005年沒有參加新秀歌唱比賽會變得如何？Sherman就笑言應該還在音樂方面努力，可能會參加其他歌唱比賽，又透露當年曾經打算放棄參賽：「因為我性格比較慢熱，但又真係好鍾意唱歌喎，所以好掙扎，最後選擇忠於內心！即使05年無參加，06年我對音樂嗰團火應該會更加強勁！」