張敬軒「求吓你返嚟好無？」

歌手張敬軒叱咤得獎歌曲《青春常駐》中，有一句歌詞是「叮噹可否不要老」，這句歌詞亦因為現實中的「叮噹」配音員林保全今晨病逝，成為今日社交網站最常出現的一句。

張敬軒今日亦在社交網站上載一篇感人長文章，悼念林保全先生，內容十分感性，看了讓人鼻酸，《東網》為大家大概節錄如下：「你一直都係叮噹，而我宜（依）家至知我係大雄。全叔，知道你走咗，我皺咗吓眉頭，眼淚就係咁流落嚟。呢輪一味喺台上唱住『叮噹可否不要老......』，個腦入面就會出現你把聲，同埋叮噹個樣。我唔理，你根本就係叮噹！」

「......因為你，令我學會善良，同相信美好嘅人，同埋事。由細到大，你都一直陪住我。每當我要考試溫書，我就會諗起『記憶方包』，想像如果有你喺度，你一定會俾『記憶方包』我，等我考試一百分；當我翻（返）工、應啲我唔想嘅酬嘅時候，我就會諗起你嘅『石頭帽』，如果我有石頭帽就好喇，人哋就睇我唔到，令我可以留翻（番）喺我哋嘅世界！當我掛住一啲以前嘅事同埋人嘅時候，我就會想像你會拎棟（個）『隨意門』出嚟俾（畀）我......你知嘛？就係呢一次又一次嘅想像，令我一步一步行到宜（依）家。」

「我從來都冇諗過，原來你會有一日翻（返）咗入去個櫃桶，唔再出嚟......叮噹！！我係大雄吖！！！我好掛著（住）你，你出翻（番）嚟啦好嘛？！！ 求下（吓）你......

林Sir，您嘅聲音、您演繹過的角色，會永遠喺我哋嘅心入面。遲一點天上見。」

感性千字文一出，即時獲網友瘋傳，很多人更表示看畢後忍不住流淚。