張學友承認與陳淑芬演唱會合作出現分歧

今年是張學友入行30周年，本計劃今年舉行紀念演唱會，但學友跟合作無間的製作人陳淑芬盛傳因「錢」不和，打亂學友30周年計劃，學友在電話中親自回覆：「首先要幫陳太澄清，喺演唱會製作上陳太完全冇畀任何制肘，最近呢兩次演唱會，幾乎我要乜、想乜，佢都盡量去做，至於分大分細傳聞？從來冇點樣分，大家咁多年講個信字，你畀幾多就幾多，唔存在話我要大份佢唔畀，根本唔關事。」

一些事些有分歧

打亂今次演唱會上的合作，學友坦言跟陳太在一些事上有分歧，他說：「我覺得某啲堅持唔一樣，可能大家都係好堅持嘅人。」況且多年來他與陳太都沒有簽合約，而學友由寶麗金到環球合作了30年，他說：「佢哋都支持我好耐，做唱片蝕緊，我都想幫補佢哋，所以演唱會、經理人嘅嘢就畀佢哋做，唱片公司係有必要轉型，都係時候畀佢哋試吓，我主要同Sunny（張松輝－環球大中華區總裁暨執行長）傾，識佢咁耐都信佢，其實乜冇特別，成件事好簡單，唔係外間講到咁嚴重，同陳太劃清界線。」至於今年是否舉行演唱會，學友表示既然未準備好，就不用急去籌備。

陳太指知情者歪曲事實

陳淑芬就與學友不和傳聞，她回覆：「所謂知情者實在全不知情，毫無根據，歪曲事實，知實情者只有張學友和我本人，我與張學友之間以往的合作關係無需要第三者來作答。張學友過往、現在、將來一直都可自由及按個人意願交給他指定的任何人或單位處理他的工作，我真誠祝福張學友事業更上一層樓，開心幸福。」