金喜善親民晒廣東話　明日返韓冇得濕平

有「韓國第一大美人」之稱的金喜善來港出席護膚品牌活動，在活動期間表現相當親民，出場後立即向傳媒及圍觀者展露微笑，又多次揮手打招呼。她先以流利的廣東話跟眾人打招呼：「大家好，我係金喜善，新年快樂！」當活動主持王貽興問到她有多久沒來香港？她透過翻譯表示：「唔記得有幾耐，啱啱拍完劇依家休息緊，之後會再忙於拍劇。」

而金喜善在接受文字傳媒訪問時，多名工作人員表現頗為緊張，不時呼籲記者退後，相反金喜善十分淡定，逐一回應記者的提問。問到會在港逗留多少天？她先裝出一副失望的表情，透過翻譯說：「其實聽日就要離開香港，香港係購物天堂，亦有好多嘢想食，但返韓國即日就有工作。」

冇時間搵成龍

問到可有與好友成龍聯絡？她表示：「之前嚟都有約成龍大哥同埋合作過嘅工作人員，但今次行程相當緊湊，加上成龍大哥有工作在身，但知道佢非常好，過得好愉快。（有冇慰問佢囝囝房祖名涉吸毒一事？）自己作為媽媽，好了解佢嘅感受，可以以堅定走出嚟，係最重要嘅。」

而談到早前與丈夫接拍內地真人騷，她指是非常值得回憶的事：「會幾隊明星夫妻一齊拍攝，包括香港，覺得各夫妻有好多共同點。（唔帶埋囡囡參加？）佢年齡比參加年齡大，已經錯過o左個年齡，佢已經七歲。（有傳你會接拍日劇？）依家同攝影方溝通緊，未確定，但好快會睇到報導。」