黃德斌自爆同邵美琪發展浪漫兼會攞命

黃德斌與邵美琪（Maggie）為主演新劇《刀下留人》試造型，兩人分別飾演劊子手及接生婆，並將發展出一段浪漫愛情，問到有否親熱戲？德斌笑謂：「未睇到，熱血就有。我係嚟攞命，佢係迎接生命，係血淋淋的浪漫。」Maggie透露劇中名字叫「花」，德斌則叫「葉」，她說：「呢套浪漫係靠對白同戲嘅感覺幫助。（有吻戲？）古裝唔會。」談到跟Maggie久未合作，德斌稱兩人曾合演情侶，故已很有默契。繼劇集《當鐵馬遇上戰車》後再擔正，德斌坦言責任重大：「壓力冇諗，但大家同一條船，做帶頭嘅要划後好啲。」

提到監製戚其義在內地開劇，德斌直言跟對方有聯絡，問到有否請他拍劇？他說：「到時應該有，睇吓套劇啱唔啱。（返內地拍劇？）有機會。」Maggie則笑言要「自己搵佢」，問是否想返內地賺人仔？她說：「賺乜都好，有工作都開心，但知佢好多嘢搞緊，我唔敢煩佢住，驚對佢有壓力。」