陳山聰重新出發 轉玩低調

20150109
東網電視
更多新聞短片
陳山聰重新出發,學懂放下。

陳山聰自重返無綫後,一劇接一劇,現時播映的《宦海奇官》中,他更與馬國明飾演兩兄弟,二人官場相遇,卻各持己見,向來多飾奸色的他,更鮮有演「蠢蠢哋」的角色,希望觀眾不會反感。現時山聰亦拍攝古裝戲《張保仔》及《東坡家事》,之後才會開拍時裝劇《殭》,與謝安琪齊齊扮殭屍。於劇集中,山聰指會飾演一隻有型的殭屍,他說:「嗰造型都好認真,之前專登去牙醫度整咗對牙套,劇中都有好多特技,同鄭嘉穎有好多場對手戲,而且做得殭屍都一定有邪惡一面,同平時演奸人的方法唔同,所以都係突破。」

轉風玩低調

除了專注工作外,山聰還專注跑步,更與圈中好友袁偉豪,謝東閔等組成喪號兵團Crazy Runner,他不諱言跑步令他改變很多,山聰說:「依家鍾意低調、靜,以前聖誕,一家會約朋友出嚟開Party,今年就留喺屋企睇劇本,跑步令我平衡,依家識得享受生活上的一切。

活在當下 學會放下

山聰之前有不少經歷,他坦言不會後悔,因有經歷才會令人成長,山聰坦言重返無綫後答應過會重新起步,更不諱言:「以前的新聞係一世,但唔緊要,點樣活在當下,有個朋友心裏面係記掛住,見到佢會再Say Sorry,不過呢啲睇緣份,好多嘢冇得強求。」

去年訪問他時,他說想生小朋友,訪問時再問及此時,山聰說:「以前曾經講過話唔生小朋友,亦冇諗過家庭呢樣嘢,都錯失咗一啲嘢,但睇到身邊朋友一個一個有小朋友,自己都希望搵個伴生小朋友,不過呢啲由天上決定。」