亢帥克曾窮得戶口只剩廿幾蚊

「亞洲星光大道」出身的亢帥克現身電台宣傳新歌《擦膠》，表示過去的歌比較慘情，希望用新歌發放正能量鼓勵人，問到會否用正能量感染亞視舊同事？亢帥克直言有關心他們，亦有鼓勵星光大道出身的朋友一齊返去撐亞視：「知道有啲朋友幾慘，有去拜神，又問屋企人借錢。（有問你借？）冇啊，我都唔係好得幾多，試過戶口得番廿幾蚊。（喺亞視時？）真空期嗰時。」

返亞視舉行演唱會振士氣

談到23號「歸巢」為亞視舉行演唱會，亢帥克直言：「初初一心想搞個演唱會幫手籌少少錢，但依家亞視搞番個騷，唔會籌錢，純粹想鼓勵下啲員工。（自己有咩幫手？）又冇咩經驗，唔知點入手。」他又透露知道亞視有聯絡其他星光大道的人，自己亦問過第一期「亞洲星光大道」的朋友，只知有部分因檔期未能出席。