教堂宣誓 花瓣滿天超唯美

20150118
東網電視
更多新聞短片
周董同昆凌喺英國教堂舉行童話式婚禮,周董仲親自創作婚禮主題曲添!

外界一直盛傳周杰倫同昆凌今日拉埋天窗,點知最後周董大玩聲東擊西,將婚禮提前一日完成,為中港台嘅粉絲送上驚喜!

繼尋日發放浪漫婚照後,周董今日再公布同昆凌喺英國塞爾比教堂(Selby Abbey)行禮嘅相!着上白色古典露背婚紗嘅昆凌,由爸爸帶領行紅地氈,再由爸爸親自交到周董手上。而周董及昆凌嘅親友,就喺紅地氈兩邊大灑花瓣,浪漫又感人!喺兩位牧師見證下,周董同昆凌宣讀誓詞後,交換婚戒,正式結為夫婦!

周董更特別為自己嘅婚禮,創作咗一首主題曲,再交由現場弦樂團演奏,有別於一般婚禮播放婚禮進行曲嘅傳統,果然夠晒心思!他說:「特別為自己婚禮寫一首曲子,就是要讓婚禮有不同的意境!」