夏雨想同仔仔父子檔拍劇
20150118
東網電視
更多新聞短片
![](/hk/bkn/cnt/entertainment/20150118/photo/bkn-20150118181553175-0118_00862_001_01p.jpg?20150119042713)
夏雨(左)同仔仔黃俊銘一齊出席活動。
藝人夏雨偕兒子黃俊銘(Dixon)出席nowTV原創劇《衛子夫》活動,坦言稍後有機會與nowTV合作拍劇或做綜藝節目,並謂盼跟兒子「父子檔」演出,角色方面也不會揀擇,問到仔仔會否怕他?夏雨說:「有乜好驚?鬧佢咪即係入錢落佢袋,我好少鬧佢,原則上嘅嘢會提點吓。(有留意佢演出?)佢有不斷進步。」
Dixon則謂開心獲父親讚有進步:「起碼佢睇到我做嘅嘢先,自己都想同佢拍劇,有咁嘅機會都係唔錯嘅經驗。(叫公司安排?)如果有機會梗係好,但希望佢哋係見到我嘅努力先畀我拍。」兩父子稍後又拍住上到內地,為春晚節目擔任嘉賓及主持,Dixon笑道:「都幾緊張,次次爸爸監場都特別驚。(返去會話你兩句?)會,尋日有話我兩句,要我跟人哋講廣東笑話,話我改咗咪唔好笑囉,我都會聽佢話,避免撞板。」