湯加文去到盡　為電影做實Q攞料

在電影《分手100 次》飾演C AllStar女神的湯加文，在大學時期主修創意媒體，曾為了寫好劇本而應徵做保安。一心想做幕後工作的她，想不到在一次晚宴中遇上神秘伯伯，揭開了進軍幕前的新一頁。

影壇新人湯加文（Carmen） 醉心電影，在大學時期主修創意媒體，相貌與台灣女星林依晨有幾分相似的她甜美可人，因不想做花瓶，故主攻幕後製作及美術指導。大學時期，她創作了不少電影劇本，更在微電影中自編自導自演，一展實力。

Carmen坦言今次簽約入行是無心插柳：「嗰時返Part-time，喺晚宴做侍應嗰陣咁啱遇到個伯伯好好傾，當佢知道咗我係讀電影，佢即刻叫我留低Contact，話要推介我畀電影公司！過咗冇幾耐我就接到個電話叫我去試鏡《分手100次》！」問到那位伯伯是否圈中紅人，她傻笑說：「其實我連佢叫咩名都唔知，一直都好想多謝佢，真係好感激佢！」

感激家人撐入行

年僅24歲的Carmen早對電影藝術情有獨鍾，年紀輕輕，卻對電影十分熱愛，為了獲得更多創作靈感，她在假期時特意應徵做保安：「係咪估我唔到呢？好多人聽到我做過保安都呆咗，因為嗰時寫緊個關於保安嘅故事，內容大概講主角點樣從呢份工睇到自己嘅不足而改變自己，其實嗰時都係因為想真正了解保安嘅工作，所以至貿貿然走去做。」

很多人認為娛樂圈是個大染缸，問到家人及朋友是否支持她入行，Carmen說:「我都好驚喜佢哋個個都好支持我，因為家人一向都比較傳統同保守，估唔到當佢哋見到有我嘅廣告會翻睇，仲叫埋朋友一齊睇！我真係好感動！」

茹素圓夢

身形高挑的Carmen 自爆體重曾經高達59kg，問到如何減至現在的模樣，她說：「可能嗰時我食素啦！因為嗰時我應承咗個天，如果入到城大創意媒體系就食一年素。」想不到她為了圓電影夢而無所不用其極！

Profile

姓名：湯加文

年齡：24 歲

身高：1 米71

體重：50kg