六年姊弟戀結束　邵美琪施祖男發聲明認分手

快將50歲嘅邵美琪與後生佢十年嘅施祖男拍拖後，屢傳婚訊，但有傳邵美琪因不忍施祖男「偷食」，怒斬情絲結束六年情。邵美琪同施祖男雙雙在微博發聲明，承認分手，但強調分手原因絕不涉及小三同金錢，佢哋喺微博咁寫：「我們相信緣份（分），不要將事情想得太多，至於分手純屬私人理由，並不涉及任何金錢利益或第三者......我們永遠是好朋友，永遠祝福對方。」身為好友嘅蔡少芬立即力撐邵美琪，希望佢可以堅強：「大家姐，支持你！」