梁思浩將《娛樂審死官》搬上台

曾為亞視拍攝節目的藝人梁思浩，今晚以now TV藝人身份出席《萬眾同心撑（撐）亞視》義演。久未於亞視露面的他，自爆今日喊足四次：「今次代表now TV為亞視打氣，入到後台喊咗四次，化妝間啲同事過嚟攬我，搞到我又喊又抹眼淚！」他更即場將now TV的皇牌節目《娛樂審死官》搬到台上，並審問藝人李麗蕊、TA姐、亞洲會會長魏秋樺及亞視藝人袁潔儀。梁思浩得知亞視拖欠600多名員工的薪金及一千萬牌費後，即問眾人有何行動支持亞視，魏會長表示會精神上支持，惟被梁思浩窒：「你同王征咁friend，點解唔問佢攞？」她即以笑遮醜，並尷尬地說：「你口下留情啦！我忙緊派飯券。」李麗蕊則說：「糧係要快啲出，唔好用啲匪夷所思嘅方法借錢。」

其後梁思浩問袁潔儀是否演藝人協會會員，她否認，然後思浩再指劉錫賢仍是會員，即打蛇隨棍上：「你哋可以搵成龍幫嘛！」更叫袁潔儀打電話給成龍，更表示自己有成龍電話！審問完各人後，梁思浩繼續撐亞視，並叫亞視員工加油！