馬拉松：徐濠縈飛釘「唔緊要，我好開放！」

圈中愛跑之人徐濠縈完成馬拉松賽事，返扺終點，她表示對成績感失望：「根據我隻錶，應該係3小時52分鐘，比舊年慢咗2分鐘。我有少少失望，可能天氣熱過舊年，我又戒唔到要去廁所，我一踎低又抽筋，嗰度失咗啲時間，我要再練好啲體能。」

她又預告快將再度出戰跑馬拉松：「農曆年期間會去日本東京跑馬拉松，我希望可以破自己時間，3小時50分鐘。（唔怕日本天氣凍？）我鍾意凍，平時都係着背心、bra top。（陳奕迅都去日本？）去呀，個女都去，林海峰都會去跑，我就當避年。我一個月跑2個馬拉松，時間好近，舊年都係咁，跑完香港隔無耐跑日本名古屋，仲係40歲生日跑步慶祝。」

被問到跑完後「飛釘」，阿徐豪邁地說：「唔緊要，我好開放，運動員嘛！又唔係走光，我唔姿整。」