鍾晴學好外語 做泰模

20150126
東網電視
更多新聞短片
Karlie視JM為奮鬥目標。

名模Cara G.的師妹鍾晴雖然身高未達模特兒標準,但志氣夠高,銳意作多方面發展,正修讀演藝課程及外語增值自己,並將赴 泰國工作吸取經驗,只因機會只留給有準備的人。

人生路不熟

模特兒鍾晴(Karlie)貌似吳千語及薛凱琪,樣子清純,16歲時通過參加雜誌舉辦的校花選舉入行,開始邊讀書邊做兼職模特 兒的生涯。直至2013年轉為全職模特兒,加入M Square模特兒公司旗下,成為Cara G.師妹。談到第一次的工作經驗,Karlie記憶猶新:「第一個Job係做化妝示範,係放學之後去,當時唔識路,去到現場又一個人都唔識,有種人生路不熟嘅感覺。」

以JM做目標

雖然身高未達專業模特兒的標準,但Karlie有另一番見解:「我反而覺得唔需要太高,因為太高只可以做模特兒,但模特兒壽命有限,咁樣反而局限咗自己,我雖然唔算高,但可以着高踭鞋搭夠。」除了模特兒工作,她亦希望作多方面發展,例如拍戲 ,目前她正修讀演藝課程,以及學習英文、普通話及日語等外文,更視文詠珊(JM)為奮鬥目標:「佢嘅形象好好,我由佢出 道已經留意,佢做模特兒之外,又有拍戲,我希望將來可以好似佢咁。」

參與電影試鏡

Karlie透露有為電影試鏡,亦計劃今年到泰國發展模特兒事業:「想喺泰國試三個月,因為當地有好多唔同類型嘅模特兒工作,其實之前有日本模特兒公司叫我過去,但自己怕輻射,所以最後取消咗。」正如想作多方面發展的性格,她本人亦嗜好多多,動靜皆宜,既懂彈鋼琴又學打鼓,喜歡跑步亦愛打泰拳。

足迹遍歐美非 西班牙最多靚仔

Karlie熱愛旅行,走出香港才發現世界這麼大、這麼美,年紀輕輕的她已在多處留下足迹,包括西班牙、杜拜、非洲、美國、 日本、台灣、韓國及蘇梅等,最難忘之旅莫過於西班牙:「當地好多靚仔,人又熱情,西班牙嘅博物館好宏偉、壯觀,真係令 我大開眼界,嘆為觀止。」她表示下個目標是馬爾代夫,希望在此島國沉沒前踏足這個水清沙幼的好地方。

Profile
英文名:Karlie
出生日期:4月5日
身高:1米64
體重:47kg