鬥戲！古仔針對毛毛　林家棟當柳岩「玩具」

古天樂與毛舜筠在賀歲電影《浮華宴》中，可謂由頭鬥到尾，二人一直針鋒相對，其中一場戲，講述毛姐差點與古仔打起來，話說古仔要求毛姐從他身上找出一本日記簿，毛姐二話不說，伸手入古仔衣服中找到日記簿並想據為己有，但古仔想將日記簿搶回來，兩人你推我撞，古仔將毛姐推倒在梳化上，不甘示弱的毛姐將古仔帽子扯下，過程非常搞笑。

古仔對於和毛姐合作感開心，他說：「毛姐好專業，同佢合作好舒服，你唔好睇佢好嬌小玲瓏咁，原來都幾大力，頭先爭啲搶唔番本日記簿。」毛姐則大讚《浮華宴》不只搞笑，更有令觀眾反思的劇情。

導演臨時加咀戲

此外，林家棟在片中與柳岩演情侶，但柳岩只視家棟為「玩具」，擁有豐滿上圍的柳岩，與家棟及古仔不乏對手戲，兩位男士否認對戲時會怕尷尬而不敢正視柳岩：「唓！我哋有咩未見過呀？」家棟續說：「講笑啫，其實拍戲邊會諗呢啲，我哋係專業演員嘛！」

其實家棟在片中可謂艷福無邊，除與柳岩一對外，又與周秀娜有咀嘴戲，家棟說：「原本劇本係冇咀戲，係導演臨時加，好在我同娜姐合作過，大家都好熟，而且只係輕輕一吻啫！」