愈來愈Open　何超瓊俞琤溫馨濕平

何超瓊與俞琤於下午3時許被發現溫馨「孖住」逛中環濕平（Shopping），首站先往太子大廈行商場，二人貼心地停下腳步睇水牌，似是尋找心水商店，然後超瓊同俞琤各有各行，不久即相約在一間家品店會合，並旁若無人齊齊試坐大梳化，繼而再仔細挑選高級廚具。

女主人超市入貨

之後二人再轉戰超巿買嘢，全程超瓊儼如女主人一樣負責選購食材，反而俞琤完全不用幫手只忙於講電話，直至他們見到有記者在場，即火速畀錢埋單，急急腳行扶手電梯，乘一早在等候的坐駕鬆人。